Parlamenti Evropian ka paralajmëruar se situata e sundimit të ligjit në Hungari vazhdon të “përkeqësohet”, si dhe ka kërkuar veprime të drejtpërdrejta sipas ligjit të BE-së për të adresuar shkeljet e vazhdueshme.
Në një raport të dytë të ndërmjetëm mbi procedurën e Nenit 7, të miratuar me 415 vota pro, 193 kundër dhe 28 abstenime, eurodeputetët theksuan kërcënimet e vazhdueshme ndaj pavarësisë gjyqësore, integritetit zgjedhor dhe lirive demokratike në Hungari.
Raporti kritikon Budapestin për rishqyrtimin e vendimeve të Gjykatës Evropiane të Drejtësisë para zbatimit, refuzimin për t’u pajtuar me vendimet e Gjykatës Evropiane të të Drejtave të Njeriut dhe minimin e pavarësisë së Këshillit Gjyqësor Kombëtar të Hungarisë.